فيليه دجاج ايطالى بالخلطة

نبدا
المقادير:
3 بصلات مقطعه شرايح
1علبه مشروم مقطعه شرايح
2-3 فصوص ثوم مفرومه
1 فلفل رومي شرايح
كزبره – شبت (حسب الرغبه)
نص قرنبيط مقطع الى زهرات ومغسول
صحن صدور دجاج (فيليه)
1 بيضه
قليل من الطحين

ملح – ببريكا (فلفل حلو) – فلفل اسود


علبه (سور كيم)قشطه رائبه
ملعقه طعام زبده
مكعب ماجي1
1 كوب ماء






الحين نبدا الطريقه

اضيفي للبيضه رشه من الملح والفلفل الاسود والببريكا +ربع ملعقه شاي خل ابيض

اخفقي البيضه واضيفي لها القرنبيط الني وقلبي عدل ثم اقليه

بعد ما تقلين القرنبيط شيليه وخليه على جنب



الحين تبلي صدور الدجاج بالفلفل والبابريكا والملح



ثم قلبي الصدور في قليل من الطحين (قلبيه فيه على الجهتين)




اقلي الصدور نص قليه (فقط لتحمير الصدور من الجهتين)
لا تخلينها تستوي ثم ارفعيهم واتركيهم على جنب




الحين في جدر الطبخ شوحي البصل في ملعقه الزبده مع قليل من الزيت




اضيفي الثوم وقلبي 5 دقايق



اضيفي مكعب الماجي وقلبي



اضيفي الفلفل الرومي وقلبيه 5 دقايق




اضيفي المشروم وقلبيه الى ان يذبل المشروم




اضيفي الكزبره والشبت وكوب الماءورشه من الملح والفلفل الاسود للطعم بس وقلبيه 5 دقايق اخرى



اضيفي السور كريم



قلبي الخليط قليلا وهذا شكله النهائي وريحته امممممممم



اضيفي القرنبيط المقلي الى الخلطه وقلبيه لدقيقه



ارفعي الخليط عن النار
صفي صدور الدجاج في صينيه بايركس (تدخل الفرن)




صبي خليط الخضار والسور كريم على صدور الدجاج في الصينيه



انا رشيت على الوجه جبن امينتال الفرنسي
(ممكن تستغنين عنه، او تبدلينه بشدر او موزاريلا او اي نوع تحبين)



ودخليها الفرن مكشوفه على درجه 250 لمده تتراوح من 20 – 30 دقيقه وراقبي الجبن عشان ما يحترق (لان الدجاج يكمل استواء بالفرن)
وهذ شكلها بعد ما طلعت من الفرن امممممممم ريحتها تبط الراس




وقدميها مع اي صنف تحبين ممكن مع البطاطس المقليه او الرز الابيض
والله ريحتها رووووعه وتدوووخ